بطل قصتنا اسمو جاد شب ابن عيلة كتير معروفة بالمال و الجاه عندو مركز حواسيب وكان هالشب كتير حليوة عمرو 25 سنة و كان عطول عايش لوحدو لانو اهلو كل الوقت مسافرين بدبي.
بيوم من الايام كان جاد بطريقو لمؤسسة الهجرة و الجوازات حتى يجيب جواز السفر تبعو مشان يطلع لعند اهلو على دبي خلال العطلة الصيفية وكان طاااااير بهالسيارة وفجأة طلعت صبية من بين السيارات و عم ترد على موبايلها , و فراااااام قوي و تشفيط ولولا شوي كانت الصبية بخبر كان.
انخبطت الصبية بطرف السيارة و وقعت عالارض وتجمعو الناس حتى يطمنو عليها و يعرفو شو صار نزل جاد بسرعة و قلبو عم يرجف وركض لعند الصبية ومسكها من ايدها و بلش يعتذر منها و طلب منها تروح معو عالمشفى بس هي رفضت, وهيك انسحب من المكان و الصبية طلعت بتكسي و انتهت القصة مبدئيا.
وصل جاد عالمؤسسة ليستلم جواز السفر بس الموظف طلب منو ينطر شوي و فجأة شاف نفس الصبية يلي انخبطت بالسيارة عم تسأل عن وراق و صور و اشياء بتخص سفرها على الامارات وكتير انبسط انها بخير بس خجل يسلم عليها بعد اللي صار.
المهم استلم جواز السفر و طلع من المبنى حتى يكمل اجراءات السفر, ومرت الايام و صار وقت الرحلة , انطلقت الطيارة الساعة 9 المسا .
و اثناء الطريق اجت مضيفة الطيران و سألت جاد: بونسوار شو بتحب تشرب ؟
اطلع جاد فيها و اتفاجأ مستحيل نفس الصبية شو هالصدف وقلها: هاد انتي طمنيني كيف صرتي؟ انا بعتذر كتير عالشي يلي صار مابعرف كيف صار هيك انا من لما كان عمري14 سنة بسوق و هي اول مرة بتصير هيك حادثة معي!انتي كيفك ؟
اطلعت المضيفة بدهشة وتذكرت مين هالشب وقالتلو: مو مشكلة انا جزء من سبب الحادث كنت كتير معصبة و انشغلت بتلفوني بس ولا يهمك انا بخير بتحب تشرب شي ؟
جاد: لا شكرا ما بحب اشرب بطريق السفر بس بدي اسألك انتي شو اسمك ؟
المضيفة:اسمي نغم عن اذنك بدي شوف باقي الركاب
جاد: عاشت الاسامي اسمك حلو انا جاد وبرجع بكرر اسفي
نغم: مومشكلة ولا يهمك
جاد : بليز انتبهي تاني مرة من السيارات
نغم: اوك وانا بعتذر عالشي يلي صار عن اذنك جاد
و بقي جاد يفكر فيها كل الرحلة لانو نغم كانت بنت كتير حلوة لدرجة انو الركاب كانو كلن مسحورين بجمالها كان شعرها اسود طويل متل الليل و عيونها متل البحر بالمختصر صبية بتجنن.
انتهت الرحلة بعد سفر 3 ساعات, وطلع جاد من المطار و هو عم يقول ياريت اخدت رقمها,و لاول مرة جاد بلش يكتب شعر و صار كل يوم يتردد عالمطار و يسأل عنها يمكن بيجتمع فيها و بيخبرها عن اعجابو بس للاسف عطول كلشي بدنا ياه بيختفي و يلي ما منتوقعو بيلاحقنا بكل مكان , صار جاد يستنى الصدف لا و يحاول يخلق صدف , ببساطة نغم قدرت تخترق الجدار يلي بيحجز وراه كل احاسيس و مشاعر جاد وهو "القلب" و بديت كل افكار جاد تحلم فيها ,وقرر انو لما يشوفها مستحيل يضيعها هالمرة.
انتهت العطلة و صار لازم يرجع جاد عالشام , و كانت هاللحظة استثنائية بالنسبة الو وممكن يلتقي مرة تانية بنغم , مين بيعرف؟ , و راح على هالمطار كانو على حفلة لابس و مترتب اكتر من كل مرة , و ركب بالطيارة و هو عم يطلع يمين و يسار و عم يدور على نغم بين الناس , بس للاسف ما شافها ابدا , و هالشي خلاه يقرر انو يعاند القدر و يروح لنفس المكان يلي التقى فيه نغم اول مرة و هو مكان الحادث و صار يسأل الجيران و الناس عنها بس مافي حدا بيعرفها , و صار يحاول ينساها و اقتنع انو مستحيل يرجع يشوفها الا بشي صدفة , بس كان في شي جواتو عم يخبرو ما يفقد الامل و يبقى يدور عليها لحتى يلاقيها.
و صار بعدها جاد معروف كتير بالمطار لان عطول عم يسأل عن نغم وكل مرة بتطلع مسافرة لشي بلد وبالنهاية اتخذ قرار انو يلحقها وين ما كانت مسافرة , وهيك اخد من زميلتها جدول الرحلات و بلش باول بلد مصر , بس وقت وصل كانت نغم رجعت عالشام و بعدها بدها تسافر على تركيا , قرر جاد يسبقها على تركيا و ينتظرها هنيك , تخيلو عم يسافر من بلد لبلد كرمال يشوف صبية ما التقى فيها الا كم مرة بالصدفة , هيك الحب بيعمل , مو الحب جنوووووون.
وصل جاد على تركيا و صار يسأل عن رحلة دمشق_اسطنبول و عرف بالوقت يلي رح توصل فيه وجهز حالو كرمال يستقبلها و حمل معو باقة ورد احمر جوري يمكن اكبر منو طبعا بعدما تأكد انها موجودة بهالطيارة .
و هيك بقي ناطر لحتى وصلت الطيارة وطلت اميرة احلامو من بين الناس , نغم ما انتبهت ابدا انو جاد موجود وحتى ما توقعت يلاحقها على تركيا...!!! مافي حدا بيعملها, بس جاد ممكن يعملها لانو اول مرة بيحب بحياتو و بيحب من كل قلبو , و فجأة سمعت نغم حدا عم يناديلها , وقفت شوي و صارت تطلع على مكان الصوت , و احلى مفاجأة صارت بحياتها انو شافت جاد عم ينتظرها مع انو بالاول افتكرتو منتظر حدا بيعرفو بس شو جابو على تركيا؟!! عنجد مجنون , اي بس مجنون بالحـــب مجنون فيها.
ركض جاد لعندها و قلها : نغم انا بحبك و جيت لهون مشانك بليز ما تكسفيني بدي شوفك و حاكيكي ممكن؟
نغم: انت عم تحكي جد ..مستحيل انا بحلم..انت كيف عرفت اني جاية لهون
جاد: انا بحبك ومن شهور عم دور عليكي
نغم: معقول انت
و ضمت نغم جاد وهيك بديت قصة حب من اروع و اغرب القصص , و رجعو سوا عالشام بعد احلى سفرة سافرتها نغم و مضت الايام و نغم كل كم يوم بتسافر من بلد لبلد و هالشي خلى جاد يطلب منها تترك الشغل عدة مرات لانو كان عم يحس انو شغلها عم يفرقهن عن بعض و هالشي مستحيل يسمح انو يصير
جاد: حبيبتي انتي عندك شك بحبي الك
نغم: لا ليش عم تسأل
جاد: انا بتمنالك الخير ولا لا
نغم: اكيد ويمكن اكتر من اي حدا بالعالم
جاد: بدي اطلب منك طلب
نغم: تفضل حبيبي قول
جاد: ما بتزعلي
نغم: خلص جاد و الله مابزعل يلا قلي شو القصة
جاد: فيكي تتركي الشغل
نغم: ههههه شو عم تمزح معي جادو
جاد: كنت متوقع ترفضي بس انا عم بحكي جد
نغم: شو ؟ عم تحكي جد؟طيب ليش؟
جاد: نغم انا مستعد عيشك احلى عيشة و من بكرا بخطبك اذا بدك بس تركي شغلك
نغم: حبيبي انا بعرف انك عم تزعل من غيابي بس انا حلمي بالحياة كون مضيفة طيران كيف بدك ياني اترك حلمي بعد ما تحقق
جاد: انا مقدر هالشي بس انا عم خاف عليكي عم خاف اخسرك مافيي عيش بدونك
نغم: وانا ما فيي عيش بدونك بس هاد شغلي و حلمي بيهون عليك اخسرن
جاد: اكيد لا بس كمان مابدي اخسرك
نغم: مارح تخسرني لاني بحبك
جاد: اذا بتحبيني عنجد ليش بتخليني انحرم منك كل ما سافرتي؟
نغم: جاد ماتتخيل اني ممكن اتركك انا ما عم احرمك مني انا متلك عم انحرم منك
جاد: اوك معناها نحنا الاتنين ضد السفر انا مستعد خليكي تشتغلي عنا بالمركز اذا بدك؟
نغم: ما بعرف بدي فكر...وبردلك خبر
جاد: براحتك حبيبتي بس اتذكري اني تركت شغلي شهور و انا عم دور عليكي وسافر وراكي بس كرمال شوفك وانت شو رح تعملي كرمالي؟
وهيك كان لازم نغم تترك شغلها كرمالو مع انها ما كانت موافقة على هالشي , بس كل الناس صارو يخوفوها من هالخطوة و كل البنات يلي بيغارو منها صارو يحاولو يكبرو الموضوع حتى نغم تكره جاد , وبالنهاية رفضت نغم تترك شغلها .
جاد كان خايف يخسرها , كان خايف يصير معها شي موقف وهي بعيدة عنو , وبيوم من الايام كانت نغم مسافرة على روما بايطاليا و فجأة سمع جاد بالاخبار عن طيارة وقعت بالبحر بطريقها لروما , جن جنونو حبيبتو بهالطيارة و انكسر قلبو و حلمو بلحظة ضاع , طلع من البيت متل المجنون مابيعرف لوين بدو يروح ولا شو لازم يعمل وطار بسيارتو بسرعة بتخوف و بدون ما ينتبه طلعت بوشو سيارة شحن والقدر اختار سيارتو حتى تنصدم فيها , الشاحنة ما تضررت لانو حجمها كبير وسرعتها قليلة اما جاد فما عاد في اثر الو ولا انعرفت معالم السيارة ابدا.
الشي يلي بيضحك انو طيارة نغم ما الها علاقة بخبر الطيارة يلي وقعت , يعني نغم لسه بخير ووصلت على روما بسلامة , بس جاد خسر شي كتير غالي عليه وهو ((عيونو)) ومين بيقدر يعوض هالخسارة؟ , نغم عرفت بخبر الحادث و رجعت فورا عالشام حتى تطمن عليه , بس للاسف جاد ما كان بوعيو وكان بالعناية المشددة , ولما صحي ما قال غير نغم ما تتركيني , نغم كانت جنبو عم تبكي , عم تبكي لان جاد فقد عيونو بسببها و بحياتو ما عاد يشوفها , ما كانت بتعرف انو جاد بيشوفها بقلبو قبل عيونو , لما سمع صوت نغم عم تبكي صار يبكي معها , ومسك ايدها حتى تبقى جنبو , و نغم بقيت جنبو لوقت طلع من المشفى , وبعدها قررت انو حياتها رح تكون كتير صعبة مع شب اعمى , اختفت , تركت جاد الشب يلي فداها باغلى شي عندو و راحت , بعد كل الحب و المشاعر تخلت عنو .
حالة جاد كانت صعبة كتير و الموقف يلي تعرضلو ماحدا ممكن يتحملو , بس ربنا كبير , اهل جاد سفروه لالمانيا و هنيك عالجوه و زرعولو عيون تبرع فين شخص للمشفى , و رجع جاد يشوف متل اول بعد سنتين معالجة للتشوهات و الجروح و اهم شي نظرو , صار جاد احلى من قبل و خسارتو كانت بس نغم الصبية يلي حبها بكل احاسيسو, جاد اتمم كل فترة العلاج و صار لازم يرجع لبلدو و يبدا حياة جديدة و كانو انولد من جديد , و الصدف رجعت تلاحقو من جديد , بالصدفة التقى بحبيبتو نغم مضيفة الطيران بنفس الطيارة يلي بدها ترجعو عالشام , نغم طلعت غير الانسانة يلي تخيلها , ما عندها وفا و لا اخلاص .
بقي جاد ناطر حتى تشوفو نغم , بس كل الاحاسيس يلي بقلبو كانت عم تحترق ما بيعرف شو بدو , ما بيعرف اذا بيحبها او بيكرهها , محتار و تايه , بس متلهف يشوفها بعد سنتين ونص فراق.
اجت نغم وقالت: شو بتحب تشرب مسيو؟
جاد ما اطلع فيها بس قال: ما بحب اشرب بطريق السفر
نغم: اوك مسيو براحتك
جاد: حتى صوتي نسيتيه يا خسارة الايام يلي قضيناها سوا
نغم: انت ..
جاد: اي انا .. انا جاد شو ما عرفتيني بس معك حق عيونك ما بيورجوكي الا يلي بدك ياه اما انا بشوفك بقلبي مو بعيوني هيك الوفا بيقول بتتركي الانسان يلي فداكي بروحو و عيونو الله يسامحك
نغم: انا انا اسفة جاد صدقني اهلي غصبوني انا بحبك
جاد: لا يا نغم ما تلومي اهلك لو كنتي بتحبيني كنتي بتعملي المستحيل كرمال تطمني علي بس بحب قلك انو انا هلأ رجعت متل اول و مافي داعي تقوليلي اي شي لانك هلا ابشع انسانة بنظري ولو كان حبي لنغم ساكن فيني لهالحظة لازم تعرفي انك مو انتي نغم يلي حلمت فيها انتي هلا انسانة .. او لا انتي اصلا ما بتعرفي شو يعني انسانية نصيحة مني لا تحبي ابدا لانو الحب بيتبرا من الناس يلي بيتسلو فيه
نغم: بس انا ..
جاد: خلص نغم انسي كلشي لانو انانسيت و انت هلا بتذكريني بس بالالم يلي عشتو بالماضي
نغم صارت تبكي و مشيت وهي ندمانة عالشي يلي عملتو بجاد , حست بكلامو وكانو خناجر عم تنغرس بصدرها , لاول مرة جاد بيكون قاسي بس هالقسوة هي خلقتها فيه.
وبعد سنة عاش فيها جاد حياتو الطبيعيةالتقى بنغم بس كانت على كرسي متحرك , مو على رجليها , نغم حاولت تنتحر بعد الكلام يلي سمعتو من جاد و حست بندم فظيع خلاها تحاول تنتحر من الطابق التالت , بس ما ماتت صارت مقعدة , لما شافها جاد قلبو صار يدق و عيونو دمعت , ماقدر يشوف حبو الاول بهالحالة , وقرر اكبر قرار بحياتو , قرر يسامحها و يرجعلها , و هيك رجعو لبعض بعد اغرب قصة حب تكللت بالتضحية و الوفا رغم الغدر و الظروف , جاد ما قدر يرمي كل شي ورا ظهرو لانو الحب ما بينتسى بسهولة الحب اكبر من النسيان , الحب كلو تسامح و حنان , رغم الظروف يلي يتمر على العشاق و كل اتنين بحبو بعض لازم الحب يكون الرابط الاقوى بينهم ويحمين من الضياع و الفراق و الالم , لانو يلي بحب بصدق ما بيعيش بدون حبيبو , جاد كرمال ما يخسر نغم كان عم يلاحقها من بلد لبلد و سامحها حتى وقت تخلت عنو ورجع يوقف معها بكل عمرو و بكل احاسيسو حتى تقوى بالحب يلي جمعها فيه سنين ,هي كانت قصة حب جاد و نغم , هذا الحب الحقيقي التضحية و الوفاء وانتو شو رايكم؟
بيوم من الايام كان جاد بطريقو لمؤسسة الهجرة و الجوازات حتى يجيب جواز السفر تبعو مشان يطلع لعند اهلو على دبي خلال العطلة الصيفية وكان طاااااير بهالسيارة وفجأة طلعت صبية من بين السيارات و عم ترد على موبايلها , و فراااااام قوي و تشفيط ولولا شوي كانت الصبية بخبر كان.
انخبطت الصبية بطرف السيارة و وقعت عالارض وتجمعو الناس حتى يطمنو عليها و يعرفو شو صار نزل جاد بسرعة و قلبو عم يرجف وركض لعند الصبية ومسكها من ايدها و بلش يعتذر منها و طلب منها تروح معو عالمشفى بس هي رفضت, وهيك انسحب من المكان و الصبية طلعت بتكسي و انتهت القصة مبدئيا.
وصل جاد عالمؤسسة ليستلم جواز السفر بس الموظف طلب منو ينطر شوي و فجأة شاف نفس الصبية يلي انخبطت بالسيارة عم تسأل عن وراق و صور و اشياء بتخص سفرها على الامارات وكتير انبسط انها بخير بس خجل يسلم عليها بعد اللي صار.
المهم استلم جواز السفر و طلع من المبنى حتى يكمل اجراءات السفر, ومرت الايام و صار وقت الرحلة , انطلقت الطيارة الساعة 9 المسا .
و اثناء الطريق اجت مضيفة الطيران و سألت جاد: بونسوار شو بتحب تشرب ؟
اطلع جاد فيها و اتفاجأ مستحيل نفس الصبية شو هالصدف وقلها: هاد انتي طمنيني كيف صرتي؟ انا بعتذر كتير عالشي يلي صار مابعرف كيف صار هيك انا من لما كان عمري14 سنة بسوق و هي اول مرة بتصير هيك حادثة معي!انتي كيفك ؟
اطلعت المضيفة بدهشة وتذكرت مين هالشب وقالتلو: مو مشكلة انا جزء من سبب الحادث كنت كتير معصبة و انشغلت بتلفوني بس ولا يهمك انا بخير بتحب تشرب شي ؟
جاد: لا شكرا ما بحب اشرب بطريق السفر بس بدي اسألك انتي شو اسمك ؟
المضيفة:اسمي نغم عن اذنك بدي شوف باقي الركاب
جاد: عاشت الاسامي اسمك حلو انا جاد وبرجع بكرر اسفي
نغم: مومشكلة ولا يهمك
جاد : بليز انتبهي تاني مرة من السيارات
نغم: اوك وانا بعتذر عالشي يلي صار عن اذنك جاد
و بقي جاد يفكر فيها كل الرحلة لانو نغم كانت بنت كتير حلوة لدرجة انو الركاب كانو كلن مسحورين بجمالها كان شعرها اسود طويل متل الليل و عيونها متل البحر بالمختصر صبية بتجنن.
انتهت الرحلة بعد سفر 3 ساعات, وطلع جاد من المطار و هو عم يقول ياريت اخدت رقمها,و لاول مرة جاد بلش يكتب شعر و صار كل يوم يتردد عالمطار و يسأل عنها يمكن بيجتمع فيها و بيخبرها عن اعجابو بس للاسف عطول كلشي بدنا ياه بيختفي و يلي ما منتوقعو بيلاحقنا بكل مكان , صار جاد يستنى الصدف لا و يحاول يخلق صدف , ببساطة نغم قدرت تخترق الجدار يلي بيحجز وراه كل احاسيس و مشاعر جاد وهو "القلب" و بديت كل افكار جاد تحلم فيها ,وقرر انو لما يشوفها مستحيل يضيعها هالمرة.
انتهت العطلة و صار لازم يرجع جاد عالشام , و كانت هاللحظة استثنائية بالنسبة الو وممكن يلتقي مرة تانية بنغم , مين بيعرف؟ , و راح على هالمطار كانو على حفلة لابس و مترتب اكتر من كل مرة , و ركب بالطيارة و هو عم يطلع يمين و يسار و عم يدور على نغم بين الناس , بس للاسف ما شافها ابدا , و هالشي خلاه يقرر انو يعاند القدر و يروح لنفس المكان يلي التقى فيه نغم اول مرة و هو مكان الحادث و صار يسأل الجيران و الناس عنها بس مافي حدا بيعرفها , و صار يحاول ينساها و اقتنع انو مستحيل يرجع يشوفها الا بشي صدفة , بس كان في شي جواتو عم يخبرو ما يفقد الامل و يبقى يدور عليها لحتى يلاقيها.
و صار بعدها جاد معروف كتير بالمطار لان عطول عم يسأل عن نغم وكل مرة بتطلع مسافرة لشي بلد وبالنهاية اتخذ قرار انو يلحقها وين ما كانت مسافرة , وهيك اخد من زميلتها جدول الرحلات و بلش باول بلد مصر , بس وقت وصل كانت نغم رجعت عالشام و بعدها بدها تسافر على تركيا , قرر جاد يسبقها على تركيا و ينتظرها هنيك , تخيلو عم يسافر من بلد لبلد كرمال يشوف صبية ما التقى فيها الا كم مرة بالصدفة , هيك الحب بيعمل , مو الحب جنوووووون.
وصل جاد على تركيا و صار يسأل عن رحلة دمشق_اسطنبول و عرف بالوقت يلي رح توصل فيه وجهز حالو كرمال يستقبلها و حمل معو باقة ورد احمر جوري يمكن اكبر منو طبعا بعدما تأكد انها موجودة بهالطيارة .
و هيك بقي ناطر لحتى وصلت الطيارة وطلت اميرة احلامو من بين الناس , نغم ما انتبهت ابدا انو جاد موجود وحتى ما توقعت يلاحقها على تركيا...!!! مافي حدا بيعملها, بس جاد ممكن يعملها لانو اول مرة بيحب بحياتو و بيحب من كل قلبو , و فجأة سمعت نغم حدا عم يناديلها , وقفت شوي و صارت تطلع على مكان الصوت , و احلى مفاجأة صارت بحياتها انو شافت جاد عم ينتظرها مع انو بالاول افتكرتو منتظر حدا بيعرفو بس شو جابو على تركيا؟!! عنجد مجنون , اي بس مجنون بالحـــب مجنون فيها.
ركض جاد لعندها و قلها : نغم انا بحبك و جيت لهون مشانك بليز ما تكسفيني بدي شوفك و حاكيكي ممكن؟
نغم: انت عم تحكي جد ..مستحيل انا بحلم..انت كيف عرفت اني جاية لهون
جاد: انا بحبك ومن شهور عم دور عليكي
نغم: معقول انت
و ضمت نغم جاد وهيك بديت قصة حب من اروع و اغرب القصص , و رجعو سوا عالشام بعد احلى سفرة سافرتها نغم و مضت الايام و نغم كل كم يوم بتسافر من بلد لبلد و هالشي خلى جاد يطلب منها تترك الشغل عدة مرات لانو كان عم يحس انو شغلها عم يفرقهن عن بعض و هالشي مستحيل يسمح انو يصير
جاد: حبيبتي انتي عندك شك بحبي الك
نغم: لا ليش عم تسأل
جاد: انا بتمنالك الخير ولا لا
نغم: اكيد ويمكن اكتر من اي حدا بالعالم
جاد: بدي اطلب منك طلب
نغم: تفضل حبيبي قول
جاد: ما بتزعلي
نغم: خلص جاد و الله مابزعل يلا قلي شو القصة
جاد: فيكي تتركي الشغل
نغم: ههههه شو عم تمزح معي جادو
جاد: كنت متوقع ترفضي بس انا عم بحكي جد
نغم: شو ؟ عم تحكي جد؟طيب ليش؟
جاد: نغم انا مستعد عيشك احلى عيشة و من بكرا بخطبك اذا بدك بس تركي شغلك
نغم: حبيبي انا بعرف انك عم تزعل من غيابي بس انا حلمي بالحياة كون مضيفة طيران كيف بدك ياني اترك حلمي بعد ما تحقق
جاد: انا مقدر هالشي بس انا عم خاف عليكي عم خاف اخسرك مافيي عيش بدونك
نغم: وانا ما فيي عيش بدونك بس هاد شغلي و حلمي بيهون عليك اخسرن
جاد: اكيد لا بس كمان مابدي اخسرك
نغم: مارح تخسرني لاني بحبك
جاد: اذا بتحبيني عنجد ليش بتخليني انحرم منك كل ما سافرتي؟
نغم: جاد ماتتخيل اني ممكن اتركك انا ما عم احرمك مني انا متلك عم انحرم منك
جاد: اوك معناها نحنا الاتنين ضد السفر انا مستعد خليكي تشتغلي عنا بالمركز اذا بدك؟
نغم: ما بعرف بدي فكر...وبردلك خبر
جاد: براحتك حبيبتي بس اتذكري اني تركت شغلي شهور و انا عم دور عليكي وسافر وراكي بس كرمال شوفك وانت شو رح تعملي كرمالي؟
وهيك كان لازم نغم تترك شغلها كرمالو مع انها ما كانت موافقة على هالشي , بس كل الناس صارو يخوفوها من هالخطوة و كل البنات يلي بيغارو منها صارو يحاولو يكبرو الموضوع حتى نغم تكره جاد , وبالنهاية رفضت نغم تترك شغلها .
جاد كان خايف يخسرها , كان خايف يصير معها شي موقف وهي بعيدة عنو , وبيوم من الايام كانت نغم مسافرة على روما بايطاليا و فجأة سمع جاد بالاخبار عن طيارة وقعت بالبحر بطريقها لروما , جن جنونو حبيبتو بهالطيارة و انكسر قلبو و حلمو بلحظة ضاع , طلع من البيت متل المجنون مابيعرف لوين بدو يروح ولا شو لازم يعمل وطار بسيارتو بسرعة بتخوف و بدون ما ينتبه طلعت بوشو سيارة شحن والقدر اختار سيارتو حتى تنصدم فيها , الشاحنة ما تضررت لانو حجمها كبير وسرعتها قليلة اما جاد فما عاد في اثر الو ولا انعرفت معالم السيارة ابدا.
الشي يلي بيضحك انو طيارة نغم ما الها علاقة بخبر الطيارة يلي وقعت , يعني نغم لسه بخير ووصلت على روما بسلامة , بس جاد خسر شي كتير غالي عليه وهو ((عيونو)) ومين بيقدر يعوض هالخسارة؟ , نغم عرفت بخبر الحادث و رجعت فورا عالشام حتى تطمن عليه , بس للاسف جاد ما كان بوعيو وكان بالعناية المشددة , ولما صحي ما قال غير نغم ما تتركيني , نغم كانت جنبو عم تبكي , عم تبكي لان جاد فقد عيونو بسببها و بحياتو ما عاد يشوفها , ما كانت بتعرف انو جاد بيشوفها بقلبو قبل عيونو , لما سمع صوت نغم عم تبكي صار يبكي معها , ومسك ايدها حتى تبقى جنبو , و نغم بقيت جنبو لوقت طلع من المشفى , وبعدها قررت انو حياتها رح تكون كتير صعبة مع شب اعمى , اختفت , تركت جاد الشب يلي فداها باغلى شي عندو و راحت , بعد كل الحب و المشاعر تخلت عنو .
حالة جاد كانت صعبة كتير و الموقف يلي تعرضلو ماحدا ممكن يتحملو , بس ربنا كبير , اهل جاد سفروه لالمانيا و هنيك عالجوه و زرعولو عيون تبرع فين شخص للمشفى , و رجع جاد يشوف متل اول بعد سنتين معالجة للتشوهات و الجروح و اهم شي نظرو , صار جاد احلى من قبل و خسارتو كانت بس نغم الصبية يلي حبها بكل احاسيسو, جاد اتمم كل فترة العلاج و صار لازم يرجع لبلدو و يبدا حياة جديدة و كانو انولد من جديد , و الصدف رجعت تلاحقو من جديد , بالصدفة التقى بحبيبتو نغم مضيفة الطيران بنفس الطيارة يلي بدها ترجعو عالشام , نغم طلعت غير الانسانة يلي تخيلها , ما عندها وفا و لا اخلاص .
بقي جاد ناطر حتى تشوفو نغم , بس كل الاحاسيس يلي بقلبو كانت عم تحترق ما بيعرف شو بدو , ما بيعرف اذا بيحبها او بيكرهها , محتار و تايه , بس متلهف يشوفها بعد سنتين ونص فراق.
اجت نغم وقالت: شو بتحب تشرب مسيو؟
جاد ما اطلع فيها بس قال: ما بحب اشرب بطريق السفر
نغم: اوك مسيو براحتك
جاد: حتى صوتي نسيتيه يا خسارة الايام يلي قضيناها سوا
نغم: انت ..
جاد: اي انا .. انا جاد شو ما عرفتيني بس معك حق عيونك ما بيورجوكي الا يلي بدك ياه اما انا بشوفك بقلبي مو بعيوني هيك الوفا بيقول بتتركي الانسان يلي فداكي بروحو و عيونو الله يسامحك
نغم: انا انا اسفة جاد صدقني اهلي غصبوني انا بحبك
جاد: لا يا نغم ما تلومي اهلك لو كنتي بتحبيني كنتي بتعملي المستحيل كرمال تطمني علي بس بحب قلك انو انا هلأ رجعت متل اول و مافي داعي تقوليلي اي شي لانك هلا ابشع انسانة بنظري ولو كان حبي لنغم ساكن فيني لهالحظة لازم تعرفي انك مو انتي نغم يلي حلمت فيها انتي هلا انسانة .. او لا انتي اصلا ما بتعرفي شو يعني انسانية نصيحة مني لا تحبي ابدا لانو الحب بيتبرا من الناس يلي بيتسلو فيه
نغم: بس انا ..
جاد: خلص نغم انسي كلشي لانو انانسيت و انت هلا بتذكريني بس بالالم يلي عشتو بالماضي
نغم صارت تبكي و مشيت وهي ندمانة عالشي يلي عملتو بجاد , حست بكلامو وكانو خناجر عم تنغرس بصدرها , لاول مرة جاد بيكون قاسي بس هالقسوة هي خلقتها فيه.
وبعد سنة عاش فيها جاد حياتو الطبيعيةالتقى بنغم بس كانت على كرسي متحرك , مو على رجليها , نغم حاولت تنتحر بعد الكلام يلي سمعتو من جاد و حست بندم فظيع خلاها تحاول تنتحر من الطابق التالت , بس ما ماتت صارت مقعدة , لما شافها جاد قلبو صار يدق و عيونو دمعت , ماقدر يشوف حبو الاول بهالحالة , وقرر اكبر قرار بحياتو , قرر يسامحها و يرجعلها , و هيك رجعو لبعض بعد اغرب قصة حب تكللت بالتضحية و الوفا رغم الغدر و الظروف , جاد ما قدر يرمي كل شي ورا ظهرو لانو الحب ما بينتسى بسهولة الحب اكبر من النسيان , الحب كلو تسامح و حنان , رغم الظروف يلي يتمر على العشاق و كل اتنين بحبو بعض لازم الحب يكون الرابط الاقوى بينهم ويحمين من الضياع و الفراق و الالم , لانو يلي بحب بصدق ما بيعيش بدون حبيبو , جاد كرمال ما يخسر نغم كان عم يلاحقها من بلد لبلد و سامحها حتى وقت تخلت عنو ورجع يوقف معها بكل عمرو و بكل احاسيسو حتى تقوى بالحب يلي جمعها فيه سنين ,هي كانت قصة حب جاد و نغم , هذا الحب الحقيقي التضحية و الوفاء وانتو شو رايكم؟
» تعلم الشاميه من دون معلم
» لعيون المنتدى وعيون سوريا وعيونها
» وداعا بل الى اللقاء
» لبن العصفور حقيقة ام خرافة !!!!!
» الشجرة الباكية
» غناء مليون رقم عش................+ مقتطفات اخرى
» هل تعلم ان الماء يسمع كلامك؟!
» صور بيت رومنسي