lamlooom

أهلا وسهلا بك زائرنا الكريم
لأننا نعشق التميز نتمنى أن تكون متميزنا وتسجل في المنتدى
واذا كنت مسجل في المنتدى يرجى تسجيل الدخول

منتدى لملوم من اجمل المنتديات العربية الهادفة والمسلية.

المواضيع الأخيرة

» angry birds لعبة الطيور الغاضبة
الجمعة سبتمبر 16, 2011 12:59 am من طرف lamlooom

» تعلم الشاميه من دون معلم
الأربعاء مايو 25, 2011 3:37 pm من طرف lamlooom

» لعيون المنتدى وعيون سوريا وعيونها
الجمعة مايو 20, 2011 7:21 am من طرف Mr.LOVE

» وداعا بل الى اللقاء
الجمعة مايو 20, 2011 3:58 am من طرف معشوقة هانا

» لبن العصفور حقيقة ام خرافة !!!!!
الأربعاء مايو 18, 2011 2:18 pm من طرف lamlooom

» الشجرة الباكية
الأربعاء مايو 18, 2011 2:13 pm من طرف lamlooom

» غناء مليون رقم عش................+ مقتطفات اخرى
الأربعاء مايو 18, 2011 2:12 pm من طرف lamlooom

» هل تعلم ان الماء يسمع كلامك؟!
الإثنين مايو 16, 2011 11:08 pm من طرف Soso_honey

» صور بيت رومنسي
الإثنين مايو 16, 2011 11:01 pm من طرف Soso_honey

التبادل الاعلاني


    من التراث الدمشقي القديم

    شاطر
    avatar
    lamlooom
    Admin

    انثى عدد المساهمات : 691
    نقاط : 1662
    السٌّمعَة : 12
    تاريخ التسجيل : 03/10/2010
    العمر : 27
    الموقع : syr

    من التراث الدمشقي القديم

    مُساهمة  lamlooom في الأربعاء ديسمبر 01, 2010 5:34 am

    اعزائي


    جولتنا رح تكون في بعض البيوت القديمة


    ورح ندخل بيت المونة كمان شو رايكم ؟



    يلا معي
















    والان رح ندخل بيت المونة







    جبنة ولبنة وزيتون كتر خير الله









    ارجو ان تكون قد نالت اعجابكم
    وهذه بعض المفردات المتداولة يعني لغة الشارع


    المفردات دارجة في بلاد الشام بشكل عام واكثر مستخدمين هذه الكلمات دمشق وما حولها من الريف دمشق ولقلمون
    اول شي في كلمتين ما لح اقول شو يعني ولي بده يعرف شو معناتهم يسال لملووم اولزيزا يمكن يقدروا يشرحوا له
    ( يبعتلك كحشي = يبعتلك ناكبي ) ولي على بالو يعرف يسأله
    ملاحظة قراءة كل حرف ق= أ
    متل تنمحق تقول = تنمحأ


    دشرو : يعني حل عنو، وحل عنو يعني اتركه بحاله


    دغري: يعني إلى لقدام بشكل مستقيم



    إحكي الدغري: يعني تكلم من غير لف و لا دوران


    قوم دغري : يعني إنهض هللأ ) الآن (



    ماني غضران : يعني لست بقادر وهي) بالميداني(


    يوه تشكل آسي : يوه مفرده يأتي شرحها لاحقاَ


    تشكل آسي
    (بعيد الشر) تعبير يفيد شدة حب المتكلم للمتكلم عنه و بمعنى أدق أن تعقد أوراق الآس على قبري


    والآس شجرة خضراء توضع غالبا على القبور عند الأعياد و زيارة القبور.


    وهنا دلالة على أن قائل المقولة يحب محبوبه لدرجة الموت في سبيله و يحب أن يزوره محبوبه و يعقد الآس على قبره.


    تقبر قلبي :
    مثل يلي قبلها.


    يقبر عضامي: متل يلي قبلها و قبلها.


    ريتو يطلع على قبري : متل يلي قبلها وقبلها و قبلها.


    تكفنني : كذلك الأمر متل يلي سبقوها...حلكم تعرفوا المغزى


    الشدة : و هي ورق اللعب المشهورة عالميا و مؤلفة من 52 ورقة و أربعة أصناف من الورق


    الواه الواه : تعبير نسائي قح يفيد التمسخر على المخاطب


    يوه الواه الواه : مفردة شهيرة جدأ عند النساء وتفيد الأوية


    معبّا بـ بنطرون : يعني واحد أجدب وجاي يحكي


    ولا : آداة تستخدم في النهر والشتم


    وخنان عجمي : مسبة مانها ظريفة لكنها تستخدم للنهر عن الزعيق و الصياح...ربما المقصود بها الرسن الذي يوضع للدواب.


    هش ...تع : تستخدم لنفس السبب السابق


    أيدي بزنارك :
    تعبير يستخدم للتعبير عن الرجاء


    دخيل الله :
    أيضاَ تعبير والمقصود به هو الاستغاثة بالله و تستخدم أيضا لشدة الفرح و الإعجاب


    شعره متل الشوشة : أي أن شعره منفوش ومنكوش متل مقشي الزبال


    شاشية : و هي الخرقة البيضاء تستخدم لعدة إستخدامات ( كصنع اللبنة)


    نملية : و هي المخزن الذي توضع فيها المونة


    الشوبك : و هي أداة تستخدم لترقيق العجين (سابقا حاليا سلاح نسائي محظور بالدول المتقدمه)


    وضرّاب السخن : وهي مسبة. . وتعني ........ ما بعرف مسبة وبس يمكن الضرب بسيخ نار


    عكروت : يعني خبيث و ملعب ولي يسرح بلليل


    كَوكِش : يعني يفتش و يبحث


    بَحبِش : بفتح الباء و تسكين الحاء أيضاً مفردة تعني البحث مع التمحيص


    ينمحق : ويعني ينضرب على قامتو . . يسطفل


    يسطفل : يعني زنبو على جنبو


    يبعتلو حمى : أي تصيبه حمى ويمرض


    يتحورق : متل يبعتلو حمى بس على أضرب ومعناها يحترق بالنار


    يتقوص : بنفس المعنى و معنها المباشر يضرب بالرصاص


    يتأمع : كمان هيك شي و معنها المباشر..يتم فصل رأسه عن جسده كما يتم تأميع البامية


    أأعود يقعد رزك : يعني خيلتنا حاجة تحوص... و الحوص يعني تحرك جيئة و ذهابا في نفس المكان


    والمعنى الأدق: يقعد رزك يعني تموت والناس ياكلو رز. .


    لأنو من المعروف عندما يموت حدى بتصير عزيمة وبيطعمو الناس أوزي على روح الميت


    والأوزي أكلة معروفة بالشام مألفة بشكل رئيسي من الرز


    حاج أفلة: و تعني كفاك مزاح ثقيل.(أو سحب أفلام) و كانت في الماضي تعني شيء أثقل من هذا المعنى والله أعلم ما هو!!


    يحرق حريشه: و هي مسبة مخففة عن مسبة أصلية..و حريشه..المقصود فيها حريمه


    وين غاطط : وين مو مبين أو تعني فيما تفكر و أين وصلت في تفكيرك


    والسبع تنعام : يعني إلنا الشرف


    و النعم : مثل سابقتها


    حيط بياخذو وحيط بيجيو : تقال للي بيسكر من كتر الترنح


    مابيعرف الخمسة من الطمسه : عن الرجل يلي ماعندو ثقافة


    سرّي مرّي : يلي بيخفق برات البيت وبخفق يعني يذهب و يعود جيئة و ذهاباو تعني أيضا رجع بخفي حنين


    شندي بندي : للي بيحكي بلا طعمه شروي غروي ولي يشتري بيدفع دغري على طول


    فايت بالحيط – طاقق الفيوز : للدلالة على انو ماعم يعرف يحكي مزبوط


    مجنط : مفلس وما معه ولا قرش


    مطقم : لابس بدلة


    مأنتك : لابس على آخر طرز


    كحته : إيدو ماسكه على المصاري . بخيل


    شاطط ماطط : يعني مدلع زيادة


    نعيان : يعني قلبو بارد


    نايط = نعيان = بارد


    شاضومه : بنت مجلوئة . . يعني كيف بدي إلكن . ... . قليلة أدب ومصبينه


    شحاطة : مايلبسه المرء في قدمه عندما يكون في المنزل


    بابوج: ما يلبس في القدم خارج المنزل


    تعسيله : نومة بعض الظهر


    مسرسبة : يعني بتحب النظافة كتير




    أسسييع - أوعى الزيت : بمعنى وسع وفسح طريق


    إغّيييييى : تعبير يسخدمه الأبضايات وبس


    إتي بريتي : تستخدم كذلك للأبضايات ...وهي نوع من التخويف


    العمى : تقال عند الدهشة


    العفش : يقولها البعض كذلك عند الدهشة


    جلالة : بتسكين الجيم يعني برداية و هي ما تغطي النوافذ


    تجليلة : ماكانت تغطى بها المفروشات خارج مواسم الأعياد


    تأكلو الدودة العميا : يعني الواحد يموت وياكله الدود (بعيدالشر


    هات لإللك: أي عطيني لورجيك كيف الشغل


    يبعتلو أتلو شو سمج : كمان يعني يموت وسمج يعني غليظ


    موسوس : مهووس بشي


    عقلو جوزتين بخرج : يعني عقله صغير وقليل التدبير


    متل الأطرش بالزفة : يعني ما فهمان ومالو علاقة بالموضوع


    حاج تحوص وتلوص : يعني حاجة تفتل وتدور


    شوية الرخار : بعد شوي (يعني بعد برهة من الزمن)


    بنت عمي : يعني مرتو ...و العكس صحيح


    ولكم مني السلام وتحياتي والامتنان


    تقبروني انشالله

      الوقت/التاريخ الآن هو الأحد سبتمبر 23, 2018 3:18 pm